إذا متوا من الضحكــ مااالي خص,,,خخخخخخ

مرااااااااااااااحــــــب



كان في ولد طفراان يعني ما عنده ولا ريال..

راح لأبوه وقاله:عطني 15ريال ودي اشتري كوره..

الأب: انقلع عني تراها واصله معي

الولد: تكفى يبه بس15ريال والا أقول لك خلها10ريال

الأب: ماعندي فلوس..واذا تبي رح بيع الديك حقك المريض اللي بالحوش

الولد: بس هذا مريض مااحد بيشتريه
الاب: ماعلي منك دبرنفسك

...الولد استسلم للأمرالواقع أخذ الديك و أول واحد قابله في وجهه اكيد ابوه...

قال الولد : تشتري الديك!!

الاب:اقول ياتنقلع عني ياأدوس في بطنك

الولد:خلاص خلاص بس لاتنفخ ..

طلع الولدمن البيت ومعه الديك في محاوله يائسه ان الديك ينباع

عرض الديك على أهل الحاره كلهم ولا احد قبل يشتريه

قال الولد:والله مالي الا "فلانه" عقلها خفيف واكيد اقدر ألعب عليهابسهوله

<<"فلانه "هذي وحده متزوجه بس للأسف رايحه فيها تخون زوجها من وراه

..راح الولد عندها عشان يبيع الديك لها..

الولد:تشترين الديك تكفين

الحرمه:هلا والله ادخل

دخل الولد:ماني فاضي لك خذي مني الديك وخليني اروح

الحرمه:وين ترووح انا ماصدقت اشوفك...

شوي الا الباب يدق

خافت الحرمه وقالت للولد:تعاااال انثبر هنااا في الدولاب لايطلع زوجي ونروح فيها

..حطت الولد في الدولاب وراحت تفتح الباب الا طلع صديقها..

الحرمه:هلا والله بحياتي

الرجال:هلا فيك يا....

مامدى الرجااال يكمل كلمته الا الباب يدق ..

الحرمه: ياويلي هذا أكيد زوجي
تعاااال ادخل في الدولاب...

<< دخل خوينا في الدولاب ..

وفجأه في عز الظلام سمع صوت واحد يكلمه داخل الدولاب
ويقول : تشتري الديك!!؟

الرجال:اصصصصص رخ صوتك الله يرحم والديك لاتفضحنا

الولد:اقول تشتري الديك؟؟

الرجال:ياخوي خلاص بشتريه بس قصر حسك لاتفضحنا

الولد: طيب

الرجال :بكم تبيعه؟!

الولد: ب100ريال

الرجال: ايشش؟!! هالديك المنتف المنتوف المريض ب100ريال

الولد: وش دراك انه مريض ومنتف؟المهم تشتري والاأرفع صوتي؟

الرجال: لالا خلاص ابشتريه
وأمري لله

..جلسوا5دقائق..


الولد:تبيع الديك!؟

الرجال: توك بايعه علي ياابن الحلال

الولد:تبيعه ولا ارفع صوتي؟

الرجال:لالا خلاص ابيعه وأمري لله بكم تشتريه؟

الولد: بريال

الرجال :أيش؟!! الحين مشتريه منك ب100ريال وانت تشتريه مني بريال!!

الولد:تبيعه والا ارفع صوتي

الرجال:خلاص خلاص ابيعه لك وأمري لله


..جلسوا ‏3دقايق..

الولد: تشتري الديك!!

الرجال: ياخوي توني بايعه عليك

الولد: تشتريه ولا ارفع صوتي

الرجال: لا لاخلاص ابشتريه وامري لله ..بكم تبيعه؟؟

الولد: ب200ريال

الرجال: أيش! توني بايعه لك بريال

الولد: تبي تشتري والا ارفع صوتي
الرجال: لالا خلاص ابشتريه و أمري لله

....جلسوا شوي

قال الولد : تبيع الديك<<غثى

الرجال:انا لله وانا اليه راجعون بكم تبي تشتريه

الولد: بريال

الرجال : وش تبيني اقول ابكي!! والا اشق هدومي !!يالله خذ الديك ببلاش

بعد ان أخذ الولد الديك شوي الا الحرمه فاتحه عليهم الدولاب

قالت لهم:يالله بسرعه انحاشوا دام زوجي بالحمام بس واحد ورى الثاني عشان لا يحس فيكم زوجي

الرجال طلع وانحاش لحقه الولد مع الديك


الولد يمشي بالشارع مستااانس ان معاه فلوس راح البيت

وشاف ابوه قاله:تشتري الديك؟

الاب_ ناظر ولده والشرااارر طالع من عيونه_ : يا ابن(..!؟!...)
ال 300ريال اللي لطشتها مني بالدولاب ماكفتك؟!؟!




هههههههههههههههههههههههههههههههه

ملتووووووووووش لعيووونكم,,